Дзень працаўніка прайшоў у шосты школьны дзень 15 кастрычніка ў ДУА “Пачапаўская сярэдняя школа Баранавіцкага раёна”.

Абавязкам кожнага чалавека з’яўляюцца беражлівыя адносіны да гісторыі роднага краю. Асабліва калі гэтая гісторыя звязана з падзеямі Вялікай Айчыннай вайны. Вучні нашай школы прынялі ўдзел у аперацыі «Абеліск». Школьнікі падграблі лістоту каля памятнага месца, тым самым аддалі даніну павагі тым аднавяскоўцам, якія загінулі, абараняючы нашу Радзіму.

У гэты дзень працавала майстэрня Самаробкіных. Вучні выраблялі падарункі для сваіх любімых мам і тат.

Вельмі весела, цікава і крэатыўна школьнікі прадстаўлялі сваю любімую прафесію.

Дадзеныя мерапрыемствы садзейнічалі выхаванню працавітасці, паважлівых адносін да людзей розных прафесій.

Таксама дзеці бліжэй пазнаёміліся з прафесіяй прадаўца.

У спартыўнай зале прайшлі спартыўныя спаборніцтвы, а на стадыёне – рухомыя гульні.