У адпаведнасці з рэкамендацыямі Міністэрства адукацыі Рэспублікі Беларусь і Статуту ўстановы адукацыі пры арганізацыі адукацыйнага працэсу ў 2024/2025 навучальным годзе для вучняў захоўваецца дзелавы стыль адзення адзінага ўзору.
Нашэнне адзення дзелавога стылю навучэнцамі ўстаноў агульнай сярэдняй адукацыі з'яўляецца нормай, якая вызначаецца статутам і правіламі ўнутранага працоўнага распарадку ўстановы агульнай сярэдняй адукацыі.
Узоры адзення дзелавога стылю зацвярджаюцца Каардынацыйнага савета па пытаннях адзення дзелавога стылю для навучэнцаў устаноў агульнай сярэдняй адукацыі (пастанова Міністэрства адукацыі Рэспублікі Беларусь і Міністэрства гандлю Рэспублікі Беларусь ад 19 жніўня 2013 г. № 77/19 «Аб Каардынацыйным савеце па пытаннях адзення дзелавога стылю для навучэнцаў устаноў агульнай сярэдняй адукацыі»).
Патрабаванні да дзелавога стылю адзення
Школа - гэта афіцыйная ўстанова, таму ад навучэнцаў патрабуецца дзелавы афіцыйны від адзення.
Дзелавы стыль адзення - гэта строгі вытрыманы стыль адзення, прызначаны для наведвання вучнямі навучальных заняткаў ва ўстановах агульнай сярэдняй адукацыі. Камплект адзення дзелавога стылю павінен быць шматфункцыянальным, гігіенічным, зручным і адпавядаць сучасным напрамкам моды.
У школе непрымальныя:
- Моцна скарочаныя блузкі, майкі і спадніцы, футболкі з яркай аплікацыяй, аблягаючыя джынсы, хатняе адзенне і вячэрнія ўборы.
- Спартыўныя касцюмы і абутак дарэчныя і неабходны толькі на ўроках фізічнай культуры і занятках спартыўных секцый.
- Вашыя рэчы павінны быць чыстымі і акуратнымі.
Не дапускаюцца:
- Пірсінг, тату, яркі макіяж і іншыя віды экзатычных упрыгожванняў і прычосак. Задумайцеся! Вы ідзяце ў школу, а не ў клуб, на дыскатэку.
Агульныя прынцыпы стварэння прывабнага знешняга выгляду:
- Акуратнасць і ахайнасць.
- Адзенне павінна быць абавязкова чыстым, свежым, выпрасаваным.
- Абутак павінен быць чыстым на працягу ўсяго навучальнага дня.
- Вонкавы выгляд павінен адпавядаць агульнапрынятым нормам дзелавога стылю.
- Вучні павінны ўважліва ставіцца да выканання правіл асабістай гігіены (валасы, твар і рукі павінны быць чыстымі і дагледжанымі).
- Адно з галоўных правілаў дзелавога чалавека пры выбары адзення, абутку, пры выкарыстанні парфумерных і касметычных сродкаў - стрыманасць і ўмеранасць.
Стандарты знешняга выгляду навучэнцаў
Асноўны стандарт адзення для ўсіх навучэнцаў - навучальны дзелавы стыль.
- Адзенне
- Дзелавы гарнітур (са штанамі, са спадніцай ці сукенкай) класічнага крою спакойных тонаў (верхняя і ніжняя дэталі гарнітура могуць адрознівацца па колеры і фасону). Штаны стандартнай даўжыні.
- Дапускаецца нашэнне строгай блузкі са спадніцай ці штанамі без пінжака ці жакета.
- Сукенка ці спадніца пераважна сярэдняй даўжыні класічнага крою.
- Акуратнае, прывабнае спалучэнне штаноў, спадніц, блуз, трыкатажных джэмпераў ці кофт. Блузкі спакойных тонаў з доўгімі ці кароткімі рукавамі.
- Парадным выглядам адзення з'яўляецца дзелавы касцюм (са штанамі, са спадніцай або сукенкай) класічнага крою спакойных тонаў (верхняя і ніжняя дэталі касцюма могуць адрознівацца па колеры і фасону). Штаны стандартнай даўжыні. Абавязкова белая блузка ў дзяўчынак і белая кашуля ў хлопчыкаў.
2. Абутак
- Класічныя мадэлі няяркіх тонаў, якія гарманіруюць з адзеннем.
- Вышыня абцасаў туфляў павінна быць зручная для працы.
3. Валасы
- Стрыжка акуратная.
- Валасы сярэдняй даўжыні і доўгія абавязкова павінны быць сабраны.
4. Рукі
- Даўжыня пазногцяў павінна быць зручнай для працы. Пазногці павінны быць акуратна падстрыжаны.
- Лак для пазногцяў варта выбіраць спакойных тонаў, пазбягаючы яркіх элементаў манікюру і насычаных колераў.
У ДУА "Пачапаўская сярэдняя школа Баранавіцкага раёна" на 2024/2025 навучальны год прыняты адзіныя элементы школьнай формы: цёмна-сіняя камізэлька і сіні гальштук.
